|
Donostian (Gipuzkoa) 1962an jaio zen, eta
umetan bertan eta Gipuzkoako Oiartzunen bizi izan zen.
Arte Ederrak ikasi zituen Bilbon eta bi arlotan egin du lan:
batetik, irakaskuntzan eta, bestetik, haur eta gazte literaturako
liburuak eta testu liburuak ilustratzen. Liburuok mundu osoko
argitaletxeek argitaratu dituzte.
80ko hamarkadaren erdialdean egin zituen lehenengo lanak
ilustrazioaren arloan (Pottoko, Pello Añorga, Elkar,
1985; Tio Xentimo, Pello Añorga, Erein, 1985); irakaskuntzan
zebilenean ere sarritan egiten zuen lan euskarazko literaturako
argitalpenetarako.
Halaber, garai horretan hasi zen elkarlanean Pello Añorga
idazle eta ipuin-kontalariarekin. Harrezkero, sarritan osatu
dute idazle eta ilustratzaile bikotea; haurrentzako Marripuinak
ere sortu zuen, oraingoan ipuin-kontalari eta ilustratzaile
bikotea osatuz.
1995. urtean utzi zuen irakaskuntza, Alemaniara joan zenean,
hain zuzen ere. Harrezkero, ilustraziora zuzenduta dago bere
lan guztia. Orain Alemanian bizi da familiarekin.
|
|
